CAGAYAN DE ORO CITY – Dili angay mahadlok apan maghiusa ang katawhan nga singlon ang mga saad nga gibatbat sa mga opisyales nga nagkupot sa nagkadaiyang katungdanan sulod sa kagamhanan.
Kini ang Easter Sunday message ni IFI-Cagayan de Oro Diocesan Bishop Right Reverend Felixberto Calang ngadto sa katawhan.
Siya miingon nga sama sa sugo ni Kristo sa iyang mga tinun-an nga dili mahadlok,unta gamiton usab kini nga kasangkapan sa mga Kristiyano nga singlon ang mga saad sa mga kandidato aron mohatag sa ikaayo sa katilingban.
Gihimong pananglitan ni Calang ang saad ni Pres Bongbong Marcos nga ibalik sa tag-20 pesos ang kada-kilo sa bugas nga halos magtulo na kini ka tuig sa poder apan wala gihapon nahatagan sa katumanan.
