Gi-anunyso ni Canadian Prime Minister Mark Carney ang pagtukod sa bag-ong federal advisory council aron batokan ang antisemitism o ang pagdumot sa mga Judio.
Sumala ni Carney, ang diskriminasyon batok sa mga Judio sa Canada misaka ngadto sa lebel nga wala pa masaksihi sukad human sa Ikaduhang Gubat sa Kalibutan.
Base sa data sa gobyerno, hapit 70% sa mga religion-based hate crimes niadtong 2024 ang nagpunting sa komunidad sa mga Judio.
Tungod niini, nagpasa ang gobyerno og mga balaodnon aron pakunhuran ang mga pagdumot ug palig-onon ang seguridad sa mga eskwelahan ug simbahan.
Mahibaloang gigamitan usab kini og pundo nga mokabat sa C$75 milyones aron mas maprotektahan ang mga institusyong relihiyoso sa maong nasod.
