CAGAYAN DE ORO CITY – Nasikop sa kapolisan ang suspect-driver nga nagmaneho sa kotse nga Blackish Red Toyota Vios samtang miagi sa Narciso Highway,Baragnay Daguan,Kapatagan, Lanao del Norte.
Kini human unang na blotter nga ‘carnapped vehicle’ sa PNP-Davao City ubos sa reklamante nga Rent-a-Car service nga nakabase sa Ecoland,Davao City.
Giila ni Police Regional Office BARMM chief Brig Gen John Guyguyon ang dinakpan nga si Jaime Baria Olarte,legal age ug nagpuyo sa Marquez Street,Brgy 13,Legazpi City.
Si Olarte ang mibiyahe gikan sa Zamboanga City padulong sa Davao City sa dihang naharang sa Kapatagan Police Station team tungod sa checkpoint operation.
Gilayong gitugyan sa Kapatagan PNP sa BARMM-Regional Highway Patrol Unit ang suspek ug ang sakyanan niini.
Gitakdang kasuhan ang suspek apan lauman makagawas ra gihapon kini kay mapiyansahan ang maong salaod.
