Gikomparar ni Senate President Alan Peter Cayetano ang dagan sa kinabuhi sa dula nga Pokemon, apan iyang gihisgutan nga tinuod nga kinabuhi ug dili imahinasyon ang giatubang sa gobyerno karon.
Matud sa mambabalaod, kinahanglang pamatud-an sa Senado ngadto sa publiko nga duna silay tinuod nga pagpakabana sa nag-unang isyu sa nasod. Gisaway ni Cayetano ang mga kapakyasan sa PhilHealth ug ang nagkalahing depekto sa serbisyong medikal sa nasod.
Lakip sa iyang gipuntirya ang kakuwang sa supply sa mga tambal ug ang nadugay nga pag-abot sa mga importante nga flu shot.
Tungod niini, nanawagan ang opisyal nga aksyonan dayon ang kakuwang sa mga kagamitan sa mga pampublikong ospital aron matabangan ang mga pasyente. (jane abulag)
