CAGAYAN DE ORO CITY – Gilayong mibaha ang mainiton nga good wishes gikan sa mga higala ug fanatics sa celebrity couple nga si 2015 Ms Universe Pia Alonzo Wurtzbach ug businessman Jeremy Jauncey.
Kini human gipakuratan ni Pia ang publiko pinaagi sa pag-post sa via instagram nga sekreto na sila nga minyo ni Jeremy pinaagi sa beach wedding samtang nagbakasyon sa North Island,Seychelles.
Makita sa posted video nga labihan ka intimate ang beach wedding sa duruha.
Wala malatid ang opisyal nga petsa kon kanus-a ang tukmang adlawa nga sila gikasal apan may mikatag nga impormasyon nga nahitabo kini sa miaging Marso 24 ning tuiga.
Dumduman nga gipangayo ni Jeremy ang tam-is nga ‘oo’ ni Pia nga minyuan sa miaging Mayo 2022 samtang nagkabasyon gihapon didto sa Uropa.
Tungod niini,mibuhos ang congratulatory ug best wishes messages ngadto sa duruha.
Si Pia ang gihimugsong may dugong Filipina-German nga nakapuyo sa Iligan City ug dinhi sa nag-eskuwela sa elementarya hangtod sa hayskul ning syudad ayha nanimpalad sa kauluhan.
