Gi-kwestyon ni Akbayan Party-list Representative Perci Cendaña ang pamahayag ni Senator Robin Padilla nga wala niya gipatakas si Senator Bato de la Rosa, tungod kay siya ra mismo ang miangkon nga maoy nag-aghat ug nagpahulam pa sa iyang kaugalingong “getaway vehicle.”
Matod ni Cendaña, imbis nga rason, mas nahisama na hinuon sa usa ka pag-angkon o “confession” ang giluwatang pamahayag sa senador.
Tungod niini, klaro matod pa nga nalapas ni Padilla ang Article 70 sa Rome Statute human niini gi-ba-la-ba-ba-gan ang pagpatuman sa ICC warrant batok kang De la Rosa.
Nanawagan ang opisyal sa mga otoridad nga imbestigahan ug sutao-on si Padilla kalabot sa nahimutangan ni Bato aron mapasakaan kini og saktong kaso.
Gidugang pa ni Cendaña nga usa ka dako nga kaulaw ang gihimong pagpanalipod sa pipila ka mga senador sa usa ka tawo nga giingong responsable sa kamatayon sa liboan ka mga Pilipino. (JANE ABULAG)
