Giklaro ni Senador Alan Peter Cayetano human sa iyang pag-panumpa isip bag-ong Senate President nga dili ang umaabot nga impeachment trial ni Bise Presidente Sara Duterte ang hinungdan sa kausaban sa liderato sa Senado.
Matod ni Cayetano nga magsilbi siyang lider alang sa katawhan ug iyang tahuron ang bisan unsang nakasaad sa Konstitusyon, lakip na ang proseso sa impeachment nga gipaabot sa publiko.
Sumala sa Senador, panahon na aron makalingkawas ang nasud gikan sa korapsyon ug sa kagamhanan nga mas nagatutok sa panag-away kaysa sa tinuoray nga pag-pangalagad. Isip bag-ong pangulo sa Senado, si Cayetano na karon ang magdumala sa higayon nga pormal nang mosusi ang chamber isip impeachment court sa kaso sa Bise Presidente
