Gipadayag sa China nga andam silang makig-tinabangay sa Estados Unidos aron makab-ot ang dugang kalig-on sa tibuok kalibutan sa wala pa ang panag-tigom nilang Chinese President Xi Jinping ug US President Donald Trump karong semanaha.
Matod ni Foreign Ministry Spokesman Guo Jiakun, andam ang China nga molihok ubos sa diwa sa pagkaparehas, pagtahod, ug kaayohan sa duha ka nasud.
Tinguha niini nga palapdan ang kooperasyon ug dumalahon ang mga panagbingkil tali sa duha ka gamhanang nasod.
Pinaagi niini, gilauman nga makahatag sila sa dugang kasigurohan sa usa ka kalibutan nga karon giisip nga dali mausab ug puno sa kalibog. (phillip ariata)
