CAGAYAN DE ORO CITY – Namugos si City Police Director Col. Aaron Mandia nga dili ‘inotil’ ang intelligence capability sa COCPO pag-abot sa pagsumpo sa mga dagkong kremin sa dakbayan.
Katin-awan kini ni Mandia gumikan sa pagkatulis sa gadget hub sa Brgy Nazareth diin nadala sa mga tulisa ang minilyong balor sa high-in cellphones ning semanaha.
Gibutyag sa opisyal nga pabiling kontrolado sa mga otoridad ang kahimtang sa dakbayan batok sa nagkadaiyang pundok nga mohimo’g kremin partikular sa taliabot pasko ug pagsugat sa bag-ong tuig.
Tungod sa maong pagpanulis,gidid-an na ang mga residente nga tigsakayan sa motorsiklo nga mogamit pa sa ilang helmet kon dinhi lanng sa sentro ang mga pagbiyahe niini.
Samtang angayang matun-an pag-ayo ang pagpatuman sa bag-ong regulasyon o balaod paggamit sa helmet sa tanang motor riders dinhi sa dakbayan.
Kini ang sugyot ni Kag George Goking,chairman sa commitee on trade and commerce sa konseho kabahin sa pagdili na pagsul-ob sa helmets a mga gasakay’g motorsiklo sa sentrong bahin sa dakbayan.
Miingon si Goking dili angayang dali-dalion ang pagpatuman niini kon wala pa mahan-ay ang implementing rules and regulations aron kalikayan nga mahimong kataw-anan ang syudad.
Siya miingon nga daghan ang angayang i-konsiderar sa maong balaod ayha kini hingpit ipatuman.
