Gisiguro sa Commission on Elections (COMELEC) nga dili makaapekto sa nagpadayong proseso sa impeachment batok kang Bise Presidente Sara Duterte ang gihimong mga pagpangandam sa ahensya para sa 2028 Presidential Election.
Gibutyag ni COMELEC Chairman George Erwin Garcia, bisan nga giila nga usa ka politikanhong proseso ang impeachment, dili angay nga madamay ang poll body tungod kay nakatutok sila sa pagpahigayon sa limpyo, matinud-anon, ug hapsay nga piniliay.
Iya usab gipasabot nga aron mapamatud-an ang pagka-impartial o pagkawalay gidapigan sa COMELEC, andam gihapon silang modawat sa kandidatura ni bisan kinsa nga magpapili sa mosunod nga eleksyon.
Dugtong niini, gipasabot ni Garcia ang dagan sa proseso kung pananglitan mabakante ang posisyon ni Vice President Sara Duterte taliwala sa impeachment trial nga iyang giatubang.
Matud ni Garcia, ang Presidente adunay gahum nga mupili sa ikapuli nga miyembro gikan sa Senado o sa Kamarabaha nga muhawid sa mabakantihan nga posisyon ni Duterte. Nakalatid kini sa Article 7 sa 1987 Constitution
