CAGAYAN DE ORO CITY –Gikontra sa Commisision on Elections o Comelec ang sulti sa kampo ni Carmen Punong Brgy Kikang Uy nga paglusad nila sa moto propio investigation sa isyu sa pagsaka sa mga botante sa Brgy Carmen ning syudad.
Kini human unang namulong ang legal team sa opisyal nga nagsilbing self-serving ang imbestigasyon ug pagkaso sa disqualification nga sila ra usab ang mohukom.
Miingon si Comelec Misamis Oriental Provincial Elections Supervisor Atty Carlito Ravelo nga sugo sa balaod ang paglusad nila sa imbestigasyon ug dili gikan sa bisan kinsa nga personalidad.
Hisayrang tungod sa sobrang pagsaka sa mga botante sa Brgy Carmen,nag-atubang sa petition for disqualification case pagka-kongresista si Uy.
