CAGAYAN DE ORO CITY – All set na ang tanang municipal,city ug provincial offices sa Commision on Elections o Comelec pagdawat sa mga iduso nga sertipiko de kandidatura sa mga gusting mahimong kandidato sa 2025 elections sa Northern Mindanao sugod karong adlawa.
Kini human gipaniguro ni Comelec chairman George Garcia nga ma-akomodar ang tanang intresadong personalidad nga molambigit sa bugnong lugaynon sunod tuig.
Namahayag si Comelec 10 regional director Atty Renato Magbutay nga may gilugwa nga gabayan nga angay sundon sa tanang election supervisors ug officers aron masiguro nga ensakto ang pagsubmitar sa mga kandidato sa ilang mga dokumento.
Molungtad ang COC filing hangtod sa petsa 8 sa Oktobre ning tuiga.
Samtang dakong kahigayunan sa mga botante nga matimbang kon kinsa kadtong incumbent officials o mga kandidato nga bintahuso ug dili maantigo mosunod sa patas nga patakaran sa gabayan sa piliay sa sa nasud.
Kini tungod kay wala pa’y kontrol ang Comelec ang tanang kalihukan sa makaduso’g certificate of candidacy nga mga kandidato apan mohimo na’g nagkadaiyang political gimmicks aron makakuha’g suporta sa mga botante.
Gitumbok ni Magbutay nga tinood nga sunod tuig pa sila makalihok pinaagi sa sunod nga election period apan mismo ang katawhan makasaksi kon kinsa ang mga kandidato nga salto,bintahuso ug dili angay’ng botaran sa May 12 elections.
