Gihingusgan sa Minority Bloc sa senado ang pagmugna sa committee of the whole aron tutukan ang imbestigasyon sa insidente sa pagpamusil nga nahitabo sulod sa Senado, niadtong Mayo 13 sa gabie.
Namahayag si Senador Erwin Tulfo nga mugawas ra ang tanang kamatuoran oras nga matukod na ang komitiba nga maong mu-imbestigar niini.
Unang nagviral sa social media ang video nga migawas si Senador Bato dela Rosa kauban ni Senador Robin Padilla, apan, walay komento nga gipagawas si Tulfo niini.
Gusto ni Tulfo nga masuta ang tibook tumong ug tinguha sa giingon pag-atake sa senado ug dili mahimong limtan na lang kini.
Una niini, gisuportahan sa minorya ang sugyot ni Tulfo nga nagtinguha nga masiguro ang mas lapad nga partisipasyon sa tanang senador sa pagbusisi sa panghitabo.
Pinaagi sa committee of the whole, dili lang pipila ka miyembro sa komite ang makaimbestigar apan ang tibuok Senado mismo.
Nakita sa Minority Bloc nga mas mahimong transparent ug mas mabug-at ang resulta sa imbestigasyon kung tanan nga senador malambigit.
