Gikastigo ni Ka Manggagawa Partylist Representative Rep. Eli San Fernando ang mga opisyales sa Department of Economy, Planning, and Development o DepDev human kini mibiya sa sesyon sa kamarabaha, nga wala pa mahuman ang mga labor groups sa pagkuwestiyon kung unsa ang ilang aksyon sa mga mamumuo nga apektado sa pagsaka sa krisis sa lana, pagmahal sa presyo sa mga palaliton ug nag-unang serbisyo.
Gawas sa mga opisyales sa DepDev, dismayado usab ang magbabalaod kang Finance Secretary Frederick Go nga bag-uhay lang nila nakita sa sesyon, apan, nag-una usab sa pagbiya sa hearing kagahapon.
Alang kang Cong San Fernando, tataw nga wala silay pagbati sa mga mamumuong kabus sa Pilipinas kay imbalanse ang ilang paghatag sa ayuda ug nakapunting lamang sa mga sa mga anaa sa transport sector.
Gani, gi-akusahan sa magbabalaod ang duha ka departamento nga kanunay mag-una sa pagbabag sa mga sugyot sa wage increase sa mga minimum ug middle income wage earners.
