Gipagawas na ni head coach Emerse Fae ang pinal nga line up sa 26-man squad sa Cote d’Ivoire alang sa 2026 FIFA World Cup nga ipahigayon sa Hunyo 11 hangtod Hulyo 19 sa Estados Unidos, Canada ug Mexico.
Ang lista adunay tulo ka goalkeepers, walo ka defenders, unom ka midfielders ug siyam ka forwards nga naglakip sa mga yawe nga manlalaro ug pipila ka batan-ong talento nga bag-o lang natawag.
Human sa 12 ka tuig nga pagkawala, ang Ivory Coast gibutang sa Group E kauban ang Germany, Ecuador ug Curacao.
Sugdan sa “Elephants” ang ilang kampanya batok sa Ecuador sa Hunyo 15, mosunod ang Germany sa Hunyo 20 ug Curacao sa Hunyo 25.
Sa miaging tulo ka World Cup appearances (2006, 2010 ug 2014), wala pa sila nakalabang sa group stage. Ang 2026 World Cup mao ang unang edisyon nga adunay 48 ka teams, lakip ang rekord nga 10 ka representante gikan sa Africa.
