CAGAYAN DE ORO CITY, Philippines – Giila ni Senador Ronald Bato dela Rosa nga pinakahanas, kasaligan ug kalmado nga piloto ang 25 anyos nga si Captain Julia Flori Monzon Po.
Si Captain Po namatay sa pagkahagsa sa iyang gimaneho nga chopper sa basakan nga bahin sa Guimba, Nueva Ecija sa milabay’ng Sabado, human niya ulahing gihatud sa Baguio City si Dela Rosa.
Mibati sa tumang kakurat ug kasubo si Dela Rosa sa ngilngig nga trahedya ilabe na nga hapsay man ang iyang biyahe. Si Captain Po maoy anak ni aviation mogul Archibald Po.
