Gibulgar sa negosyanteng magtiayong Curlee ug Sarah Discaya nga ang mga opisyales sa Department of Public Works and Highways (DPWH ang nagtudlo kanila sa “kalakaran” aron makalusot sila sa bidding process alang sa mga proyekto nga ipa-implementar sa ahensya.
Sa gilusad nga Senate Blue Ribbon Committee hearing, gibasa ni Ginang Discaya ang ilang joint ug sworn statement isip mga kontrator sa gobyerno ug namulong nga giingnan sila (sa taga DPWH) nga dawaton ang “realidad” nga kinahanglan sila mobayad sa kickback sa mga mambabalaod aron magpadayon ang ilang kompanya sa pagdaug sa proyekto sa gobyerno.
Unod sa testimonya ang mga kondisyon nga kung dili sila mobayad, gi-ingnan sila nga tangtangon sa listahan sa mga kwalipikadong kontraktor ug dili na makakuha og bisan unsang proyekto sa DPWH o sa ubang ahensya.
“Sabi nila dapat tanggapin namin ang realidad na dapat kaming magbayad sa mga mambabatas kung gusto po namin magpatuloy na magkaroon ng project sa gobyerno kung hindi binabala nila na matatanggal sa listahan ang kompanya namin at hindi na makakakuha ng kahit anong proyekto”, ingon ni Ginang Discaya.
Gumikan sa maong pahayag, gibulabog sa magtiayon ang sistematikong pamaagi sa korapsyon diin ang mga proyekto sa imprastruktura tin-aw nga kontrolado sa mga politiko nga naggamit sa ilang posisyon aron mangayo sa pabor o bayad.
Ang Senate panel nagpadayon sa imbestigasyon aron tukion kung kinsa sa mga mambabalaod ang nalambigit ug unsaon pagputol sa maong iligal nga sistema.
