Gisugdan na sa Department of Energy (DOE) ang imbestigasyon sa Philippine Competition Commission (PCC) kabahin sa alegasyon nga posibleng sabwatan o “cartelization” sa matag-semana nga oil price adjustments.
Sumala ni DOE Secretary Sharon Garin, kinahanglan nga susihon kung adunay “anti-competitive behavior” tali sa mga kompanya sa lana, ilabi na nga kasagarang sabay-sabay ug halos pareho ang kantidad sa pagtaas sa presyo.
Matod ni Garin nga andam ang DOE sa pagsusi pag-usab sa kasamtangang sistema sa price adjustments aron mapauswag kini.
Subay niini, gilauman usab sa DOE ang giya ug suporta gikan sa Kongreso. (by Phillip Ariata)
