Nakatala og historic record closing high ang Dow Jones Industrial Average tungod sa positibong reaksyon sa mga investors sa nagpadayong panag-istoryahanay sa kalinaw sa Middle East ug sa kusog nga corporate earnings.
Nadasig ang merkado human nagpahayag ang US State Department og dakong paglaum nga makab-ot na ang kalinaw sa maong rehiyon nga miresulta usab sa pag-ubos sa presyo sa lana sa kalibutan.
Dako sab og naamot ang kalit nga pagsaka sa stock sa Dell Technologies og hangtod 17 (desisyete) ka porsyento tungod sa kusog nga demand sa ilang artificial intelligence servers.
Kini nga kalamboan nagpakita sa madasigong kompiyansa sa mga magpapatigayon nga maoy nagtukmod sa Wall Street ngadto sa mas hayag nga direksyon karong semanaha. (jane abulag)
