Nahimong kulbahinam ang match up sa Basketall Secondary Boys tali sa Davao Eagles ug Region 1 Raging Buffaloes human wala damha sa Department of Education Sports division nga dagsaon sa mga manan-away ang dula karong hapon.
Subay sa report sa mga manan-away halos mag stampede na sa gawas nga bahin sa korte sa Gov D.O Plaza Sports Complex, Prosperidad kay napuno dayon ang basketball court.
Hisayran nga ang korte adunay 2000 seating capacity apan, nakurat ang mga kapulisan sa pagdagsa mga supporters sa duha ka team.
Hinoon nahupay ra ang insidente, apan wala malikayi nga daghan ang nagreklamo kay wala na sila pasudla kay full pack na ang gymnasium.
Sa maong dula, gilat-an sa Davao Eagles ang Buffaloes ug nahuman kini sa final score 96-34.
Sa wala pa ang duha ka teams midula usab ang Negros Island Region (NIR) Visayan Vipers kontra Region 4B Tamaraws.
Natapos ang dula sa final score 73-59 pabor sa NIR.
