Nangulo sa mga pambato sa Pilipinas alang sa 2026 Asian Games sila tennis ace Alex Eala ug Olympic double gold medalist Carlos Yulo.
Apil sila sa 464 ka atletang magrepresentar sa nasod sa 20th Asian Games sa Aichi-Nagoya, Japan, nga pagahimoon gikan sa September 19 hangtod October 4.
Si Eala, nga nakakuha og duha ka bronze medal sa 2023 Hangzhou Asian Games, target karon ang iyang unang Asian Games gold medal sa women’s singles.
Samtang si Yulo mobalik sa Asian Games human sa iyang debut niadtong 2018 ug mangita usab sa iyang unang Asiad gold.
Lakip usab sa mga dagkong gisaligan sa Team Philippines si pole vault ace EJ Obiena, nga maoy depensahan ang iyang Asian Games title.
