Masaligon si Atty. Neri Colmenares nga lig-on ang mga ebidensya sa prosekusyon batok kang kanhi Pangulong Rodrigo Duterte alang sa umaabot nga full trial niini sa International Criminal Court (ICC).
Sa usa ka panayam sa Bombo Radyo Philippines, gibutyag ni Colmenares nga gipangandaman na ang mga “status conference” karong Hunyo ug Hulyo aron plantsahon ang dagan sa kaso sa dili pa magsugod ang pormal nga paglitis.
Gipasabot usab niya nga daw ginalaglag na ni Duterte ang kapulisan ug si Senador Bato dela Rosa pinaagi sa pahayag niini nga wala siya nagmando sa mga pagpatay sa drug war.
Tungod niini, nagpasidaan si Colmenares kang Dela Rosa nga mag-amping tungod kay posible kining madamay ug malaglag sa trial.
Hisayran nga iyang gihisgutan nga tuyo lang nga gipalangan ni Duterte ang proseso tungod kay nasayod kini nga dako ang tsansa nga ma-convict kini sa maong kaso
