CAGAYAN DE ORO CITY – Sang-atan sa kapolisan sa ‘usurpation of authority’ ang kanhi crimonology student’ nga nagpatoo nga police colonel ug hepe sa Regional Drugs Enforcement Unit -10 nga nakabase sa Camp Alagar ning syudad.
Kini human unang gisita sa mga tanod sa Brgy 1 ang suspek nga si Ronnie Morial Bonita,24 anyos,ulitawo nga nagpuyo sa Seaside,Kolambog,Brgy Lapasan sa dakbayan.
Katarungan sa suspek nga gihimo niya ang pagpaila nga kini police colonel aron sila makalusot sa kasupakan sa curfew sa mga brgy tanod nga misita kanila samtang gikan sa inom nga nabuntagan.
Miingon si Divisoria Police Station commander Police Maj Sebastian Chua nga mitaho kanila ang mga tanod hinungdang gilusad ang pagdakop sa suspek.
Nagpadumdom si Chua sa publiko nga dili basta-basta magamit sa bisan unsa nga opisina,ranggo o uniporme sa mga sundalo o pulis aron kalikayan nga makasuha’g kriminal sa korte.
