Andam ang Federation of Free Workers nga maminaw sa mulo ug matabangan ang 316 displaced works sa Sanjia Steel Corporation, nga nakabase sulod sa pasilidad sa Phividec, Tagoloan Misamis Oriental.
Apan gitin-aw ni Labor Law expert Atty Proculo Sarmen nga walay rehistrado nga labor union nga gipasilungan sa mga trabahante nga nawad-an sa trabaho, human hiniusang gironda ang ilang planta niadtong Mayo 15.
Nanawagan si Sarmen sa gobyerno nga dili lang taman sa pagronda ang ilang himoon, apan, lantawon usab ang mga apektadong mamumuo kay sila pamilyado ug obligasyon sa gobyerno nga sila mahatagan sa bisan unsa nga klase sa “relief” o ayuda.
