Gilikayan sa New York City ang usa ka dakong krisis sa turismo human nagkauyon ang mga hotel operator ug ang unyon sa 25,000 ka mga trabahante alang sa usa ka bag-ong walo ka tuig nga kontrata.
Kini nga kasabutan nagtapos sa hulga sa usa ka dako nga welga nga posible untang moparalisar sa mga hotel sa tibuok siyudad sa dili pa magsugod ang FIFA World Cup.
Ubos sa maong deal, makadawat ang mga trabahante og makasaysayanong usbaw sa suholan ug mas lig-on nga mga benepisyo sa panglawas ug pensyon.
Gihatagan usab og saktong proteksyon ang mga empleyado batok sa hulga sa teknolohiya ug Artificial Intelligence aron masiguro ang ilang seguridad sa trabaho.
Kini nga kalampusan naghatag og kalig-on sa ekonomiya sa siyudad samtang nangandam kini sa pagdawat sa minilyon ka mga bisita alang sa kampiyonato sa kalibutan. (jane abulag)
