Kini ang prangka nga pamahayag ni kanhi Cagayan de Oro City Mayor Atty. Tennix Jaraula batok sa pamatasan sa mga senador karon.
Matud ni Jaraula, nawala na ang taas nga kalidad sa debate ug ang tiunay nga dedikasyon sa serbisyo nga nakita kaniadto sa mga karaan nga magbabalaod.
Gihulagway pa niya ang dagan sa diskusyon sa Senado karon nga mura lang og mga bata nga sige og away-away.
Gumikan niini, gihangyo sa kanhi mayor nga ibalik ang maayong dungog sa institusyon aron magsilbi silang ehemplo sa publiko.
Mipasidaan kini nga mas maayo pang wagtangon ang Senado kung magpadayon lang ang bati nga pamatasan sa mga miyembro niini.
