Gidakop sa mga operatiba sa Bulacan ang kapitan ug unom ka tuig nga founder sa Gawad Kalinga nga si Tony Meloto gumikan sa seryosong mga kasong kriminal.
Sumala ni Police Captain Mirari Cruz, malinawon ang pagsilbi sa warrant of arrest gikan sa korte sa Malolos ug walay nahitabong bisan unsang kagubot.
Nag-atubang karon si Meloto og duha ka ihap sa kasong qualified human trafficking human kini ireklamo sa duha ka lalaki nga menor de edad pa sa dihang nahitabo ang insidente.
Tungod sa kabug-aton sa maong krimen, giklaro sa kapulisan nga walay piyansa nga gitugot alang sa iyang temporaryong kagawasan.
Samtang gihulat ang mando gikan sa korte, temporaryo una nga gibalhog si Meloto sa selda sa Angat Municipal Police Station. (jane abulag)
