Giduso ni Senador Sherwin Gatchalian ang sugyot nga babagan sa Energy Regulatory Commission (ERC) ang dagkong patong sa balayrunonsa kuryente.
Alang kang Gatchalian, kinahanglan nga ipatuman kini sa hinay-hinay kay mabug-atan ang mga konsumidor.
Namahayag si Gatchallian nga kinahanglan bantayan sa komisyon ang electricity rates ug ipagbawal ang “one-time, big-time” nga sistema sa pagtaas sa singil.
Matod pa niya, ang hinay-hinay nga pag-patuman sa taas-singil sulod sa pipila ka billing cycle usa ka praktikal nga solusyon aron maibsan ang epekto sa publiko.
Gipahinumdom usab ni Gatchalian nga mandato sa ERC nga protektahan ang katawhan batok sa dili makatarunganon nga bayronon, ug bisan pa sa limitasyon sa EPIRA, adunay gahum ang gobyerno nga mo-pataliwala kung ang hinungdan sa pagtaas mao ang kakulangan sa suplay sa enerhiya. (By Phillip Ariata)
