Gibutyag ni National Bureau of Investigation (NBI) Director Atty. Melvin Matibag nga aduna pay laing mga personahe nga posibleng isyuhan sa arrest warrant gikan sa International Criminal Court (ICC) kalabot sa kontrobersyal nga War on Drugs.
Matud sa direktor, andam ang ilang ahensya nga ipatuman ang maong mga bag-ong warrant kon opisyal na kini nga ipagawas sa maong korte.
Gitataw usab niini ang rason nganong dili sila magpagawas og ubang mga detalye, aron kini dili makaikyas ang mga tawo nga posibleng ma-isyuhan niini.
Mahinumdoman nga giisip na karon nga usa ka “fugitive” si Senador Bato dela Rosa ug kasamtangang nagpahigayon na og usa ka lapad nga manhunt operation para madakpan ang senador. (RIZA BUDLAO)
