Gisang-at na sa Office of the Ombudsman ang kasong graft ug malversation batok sa mag-asawang kontratista nga silang Curlee ug Sarah Discaya, kauban ang 8 ka opisyal sa DPWH Bulacan.
Kini may kalabotan sa palpak nga flood control project sa Calumpit diin gibayaran sa gobyerno ang St. Timothy Construction Corporation og kapin ₱53 million bisan og walay saktong dokumento.
Matud pa ni Assistant Ombudsman Mico Clavano, ang maong binuang naghatag og ilegal nga pabor sa kumpanya ug nagbunga og dako nga alkanse sa pundo sa nasod.
Tungod sa substandard nga proyekto, nagpabiling lubog sa baha ang Barangay Bulusan bisan og walay ulan.
Walay girekomendang piyansa ang korte alang sa mga akusado, kinsa nag-atubang usab og sunod-sunod nga kaso tungod sa uban pang mga ghost projects sa tibuok Pilipinas.
