Gikondina ni kanhi COMELEC Commissioner Rowena “Bing” Guanzon ang pagtawag kang Sen. Bato dela Rosa nga usa ka “fugitive from justice”, taliwala sa pagpangita kaniya sa mga otoridad.
Matud ni Guanzon, dili matawag nga nagtago sa balaod ang senador tungod kay wala may napagawas nga arrest warrant gikan sa bisan unsang Regional Trial Court (RTC) sa nasud, ug ang warrant gikan sa International Criminal Court (ICC) wala man gani opisyal nga na-serve kaniya.
Gipasabot pa sa maong magbabalaod nga gitawag lang og fugitive si Dela Rosa aron ipadayag sa publiko nga talawan kini ug hadlok moatubang sa isyu.
Dugang pa niya, nakaila siya kung kinsa ang mga tawong nagpaluyo sa maong lakang. (riza budlao)
