Mihangyo ang dul-an 300 apektadong pamilya sa Zone 1-A ug Zone 2-B Barangay Mambuaya, nga hatagan sila sa maayong relocation site ug due process kung sila ipapahawa na sa ilang gipuy-an nga luna, nga kabahin sa hinterland barangay ning syudad.
Miingon si Bae Minggay nga ang pamilya Lozada ang nagpapuyo kanila sa maong luna sa taas nga panahon, dihang miyembro pa kini sa ilang barangay council.
Gawas niini, iyang gibutyag nga silang mga mag-uuma, mawad-an na sa panginabuhian oras nga ipapalayas sila sa ilang gipuy-an nga luna.
Una niini, daghang mga residente sa maong barangay ang nanawagan sa tabang legal sa BOMBO RADYO aron mapahimutang sila sa ilang gibating kabalaka.
