CAGAYAN DE ORO CITY – Gipasalig sa liderato sa Cagayan de Oro City Police Office o COCPO ang dinalian nga pagdakop sa suspek pagdunggab-patay sa habal-habal driver diha sa Hayes Street,Brgy 40 ning syudad.
Kini human miani sa nagkabanging baruganan sa tigdumala sa Xavier University ug city govt ang tinud-anay nga kahimtang sa seguridad sa dakbayan.
Miingon si COCPO spokesperson Maj Evan Viñas nga naila na nila ang suspek nag si Jesus Delit nga taga-Lower Manggahan,Brgy Balulang kinsa gitumbok midunggab patay sa gikalalis sa biktima nga si Roland Camanse nga taga-Brgy Camaman-an ning syudad.
Siya miingon nga milihok na ang ilang operatiba aron pagtultol sa lokasyon ug pagsikop sa suspek.
Gilayong mi-depensa ang city govt sa sulat-pahayag sa XU diin nagpatuman sa night online class tungod sa hitabo.
Hisayrang gidunggab ni Delit si Camanse tungod sa panag-ilog nila sa pasahero sa ilang alihanan sa Capt Vicente Roa Street ning syudad sa miaging gabii.
