Gikatakdang magpatuman og laing hugna sa pagsaka sa presyo sa lana ang mga kompanya sa petrolyo ugma, Mayo 26.
Gilauman ang dungan nga usbaw nga 1.00 hangtod 1.50 matag litro sa diesel, gasolina, lakip na sa kerosene.
Tungod niini, posibleng mosaka ngadto sa 82.30 ang matag litro sa diesel, samtang moabot usab sa 86.20 ang gasolina.
Gilauman nga moabot sa 130.54 ang matag litro sa kerosene, apan magdepende pa gihapon kini sa lokasyon sa mga gasolinahan.
Sumala sa report, posibleng mas makabarato ang mga motorista kon ngadto sila magpatubil sa mga gitawag og small oil players.
Tungod niini, giawhag ang mga motorista sa pagpatubil na samtang wala pa gipatuman ang maong dakong saka sa presyo ugma sa kadlawon. (jane abulag)
