CAGAYAN DE ORO CITY – Nanganti si PRO 10 Director Brig Gen Lawrence Coop nga pakusgon pa ang anti-illegal drugs campaign batok sa mga sindikato nga naglihok palibot sa rehiyon.
Gihimo sa heneral ang mensahe dungan sa nakompiskar nga halos 7 milyones pesos nga balor sa ilegal nga droga nga naglakip sa shabu ug marijuana sa 170 ka police operations sa miaging Oktubre ning tuiga.
Gibutyag ni PRO 10 spokesperson Police Maj Joann Navarro nga sa maong operasyon,nasikop ang 206 ka suspected drug pushers ug nangakasuhan na sa pagsupak sa Dangerous Drugs Act of 2002.
Gawas niini,na-aresto usab sa nagkadaiyang local units sa PNP ang 351 ka wanted persons nga dunay lain-laing mga kaso sa korte.
