Gipailalom sa “full alert status” ang Philippine National Police (PNP) sugod kagabie, alas 8:30, Mayo 13 human sa serye sa mga buto sa armas sa ika-duhang andana sa Senado, hinungdan sa pag-pakatap sa 1,500 ka mga pulis sa maong dapit.
Sumala sa PNP, gipahugtan ang seguridad ug monitoring sa palibot sa Senado samtang gipailalom pa sa beripikasyon ang maong insidente.
Kini nga dinaliang lakang gihimo aron masiguro ang kaluwasan sa publiko ug mapugngan ang bisan unsang dugang nga kagubot samtang gihugtan ang pagbantay sa maong institusyon.
Sa pagkakaron, mipadayon ang lawom nga imbestigasyon sa mga awtoridad aron masuta ang tinuod nga hinungdan sa maong hitabo samtang nagpabiling naka-deploy ang mga pulis sa lugar. (phillip ariata)
