Gipadayag ni US Defense Secretary Pete Hegseth nga andam mobalik sa pagpangatake ang Estados Unidos batok sa Iran kung hingpit nga mapakyas ang nagpadayong negosasyon alang sa usa ka peace deal.
Kini nga lakang gipasalig ni Hegseth nga selyado, tungod kay abunda ug kompleto ang stockpile sa mga armas ug munisyon sa Amerika.
Matod sa defense chief, ang nag-unang “red line” ni Presidente Donald Trump mao ang pagsiguro nga dili gyud makabaton og nuclear weapon ang Iran, ug magpabiling abli ang Strait of Hormuz alang sa internasyonal nga komersyo.
Bisan pa man sa nagbukal nga tensyon sa Middle East, gipasalig ni Hegseth nga kaya sa US nga dunganon pag-atiman ang seguridad sa Asia-Pacific lakip na ang pagpanalipod sa Pilipinas.
Sa pagkakaron, nagpadayon pa ang tensiyonadong diskusyon sa White House Situation Room kung dawaton ba ang pinakabag-ong tanyag alang sa usa ka kasabutan – (Jane abulag)
