CAGAYAN DE ORO CITY -Nakumpiska sa militar ang lima ka mga anti-personnel mines,mga tambal ug personal nga kagamitansa kapin 100 ka miyembro sa rebeldeng New People’s Army (NPA) sa managlahing lugar sa Northern Mindanao.
Kini resulta sa gihimong military operations sa tropa sa 8th IB,Philippine Army sa Bukidnon ug 65th IB,Philippine Army sa Cagayan de Oro City batok sa duha ka grupo sa CPP-NPA sa rehiyon.
Miingon si 403rd IB,Philippine Army commander Brig Gen Edgardo de Leon nga unang nailog sa 65th IB ang hideout sa 20 ka mga NPA members nga gikan misibat sa Lanao del Sur.
Naabtan matud pa sa mga sundalo ang armado nga nangayo’g pagkaon sa mga residente sa Barangay Pigsag-an,Cagayan de hinungdan nga ilang nasundan ang hide-out ug narekober ang anti-personnel mine ug uban pang gamit sa iggugubat.
