Init nga gisugat ang Philippine Entourage sa Imperial Palace sa Day-2 sa working visit ni Presidente Ferdinand Marcos Jr sa Japan.
Segun ni Bombo International News Correspondent (BINC) Hannah Galvez nga sa buntag, nahinabi sa presidente ang mga dagkung opisyal sa gobyerno sa Japan kuyog ang mga delegado sa nasud.
Sa pagkagabie, mipatik sa kasaysayan ang pagsulod sa delegasyon sa Pilipinas sa Imperial Palace human sila hatagi sa state banquet nga eksklusibo lang unta sa mga miyembro sa monarkiya.
Sa maong higayon, gihatag ni Presidente Marcos kang Emperador Naruhito, ang highest Order of Honor ang Lakandula Medal, ug ang Gabriela Silang Highest Order of Honor alang kang Imperatris Masako.
Lakip sa misaksi sa halandong panihapon ang sunod nga mahimong emperador sa Japan.
