Masaligon si Ilo-ilo Representative Lorenz Defensor nga makab-ot ang conviction o silot batok kang Bise Presidente Sara Duterte sa higayon nga masugdan na ang pagdungog sa mga Articles of Impeachment sa Senado.
Gibutyag ni Defensor nga dugay nang nangandam ang prosecution team sa pagpresentar sa dugang nga mga lig-ong ebidensya ug mga testigo aron pamatud-an ang mga pasangil.
Dugtong niini, gi-angkon ni Defensor nga usa ka dakong hagit alang kanila ang pagkaylap sa fake news sa internet ug ang mga troll samtang nagkaduol ang trial sa senate impeachment court.
Gawas pa niina, gipadayag usab nila Defensor ug Rep. Leila De Lima nga andam na silang moatubang sa mga saway ug pagpangdaot nga ibato kanila sa higayon nga magsugod na ang trial proper.
