CAGAYAN DE ORO CITY – Atubangon sa tulo ka dinakpan nga suspected drug pushers ang kasong pagsupak sa Comprehensive Dangerous Drugs Act of 2002 sa piskalya sa Bukidnon.
Kini epekto sa pagkakuha-i nila sa 50 gramos nga gitoohang shabu nga dunay market value nga 340-mil pesos dihang na buy-bust operations ang mga dinakpan nga sila alyas Neziah,21 anyos; Mohammad,19 anyos ug Amar,34 anyos sa Purok 5,Brgy Casisang,Malaybalay City.
Subay sa report, target sa operasyon sa City Drug Enforcement Unit sa Malaybalay City Police Station si alyas Amar ug nadamay lang sila Neziah ingon man Mohammad.
Nasuta nga pulos pa mga tinun-an ang mga suspek ug giingong naggikan ang ilang mga kontrabando sa Marawi City ug bisan sa Malaybalay City.
Dugtong niini,gihataga’g taas nga pag-ila sa Kampo Alagar ang maong kalampusan sa Malaybalay City PNP kay nadakpan ang gitratar nga high value target sa maong lugar.
