Giklaro ni CIDG Director Major General Robert Morico II nga patas ug walay gidapigan ang ilang gihimong imbestigasyon subay sa nahitabong pagpamusil sulod sa Senado.
Sumala ni Morico, gibasehan nila ang sunod-sunod nga mga panghitabo ug ang impormasyon nga dunay mga sakop sa NBI nga anaa sa dapit aron mang-aresto.
Gihisgutan usab sa opisyal ang namatikdang bias ug dinalidali nga konklusyon tungod sa kalit nga pagpundok sa mga tawo sa sulod. Isip usa ka commander, iyang gipasiugda nga mas maayo unta kon gipaagi una sa tarong nga panag-istorya ug koordinasyon ang maong sitwasyon.
Imbes nga magsiningkahay, mas maayo matod pang gipangutana ug giimbitar sa sulod ang mga NBI agent aron magkaestoryahay kon unsa gyud ang ilang katuyoan. (jane abulag)
