May tsansa pa nga dili mu-abante sa full blown trial ang impeachment case ni Vice President Sara Duterte.
Kini ang gibutyag ni Atty Angel Lim, ang kanhi Provincial Administratior sa Misamis Oriental sa pakighinabi sa Bombo Radyo.
Miingin si Lim nga human magconvene ang mga senator judges, muagi pa sa debate ug mga mosyon ang mga senator judges kung angayan ba dunggon ang kaso sa bise presidente.
Kung makita sa mga senador nga walay basehan ang mga akusasyon ug dili bug-at ang ebidensya sa usa ka impeachable official, mahimo nilang idismis ang kaso ni VP Sara.
