Gipasabot ni Atty. Jose “Judd” Roy III nga ang proseso sa impeachment kay sui generis o usa ka talagsaong legal nga lakang.
Lahi kini sa ordinaryong korte tungod kay dili mga tinuod nga huwes o mga abogado ang nagpanaog sa desisyon, ug dako kaayo ang kalainan niini tungod kay transparent ug hingpit nga bukas ang maong proseso sa publiko ug sa media.
Kung sa regular nga kaso gilimitahan ug gi-regulate sa korte ang mga mosaksi, ang impeachment kay dungan ug hugot nga ginasubay sa tibuok nasod.
Gisiguro pa gayod sa abogado nga kining maong proseso live ug 24/7 nga mamahimong matan-awan sa tanang katawhan aron masabtan ang dagan sa kamatuoran. (jane abulag)
