Gi-anunsyo ni Mexican President Claudia Sheinbaum nga ang national football team sa Iran magpasilong sa Mexico samtang mu-abante ang mga dula sa 2026 FIFA World Cup.
Subay sa report, gibaliwala sa US-Washington ang pag-host kanila.
Ang team magpabilin sa Tijuana ug mobiyahe ngadto sa Estados Unidos alang sa ilang mga match-up sa group stage.
Ang desisyon gisuportahan sa organisasyon FIFA aron malikayan ang komplikasyon sa visa ug seguridad.
Gitataw ni President Sheinbaum nga walay rason nga dili mudawat ang Mexico kanila kay obligasyon man nila kini isip usa sa mga host city.
Ang Iran magdula batok sa New Zealand sa Hunyo 15.
Pagka Hunyo 21 makigtigi kini sa team Belgium didto sa Los Angeles California, ug batok sa Egypt sa Hunyo 26 sa Seattle, USA.
Kini na ang ika-upat nga sunod-sunod nga World Cup appearance sa Iran human sa ilang kalampusan sa Asian qualifiers.
