Gi-awhag ni Presidente Ferdinand Marcos Jr. ang mga opisyal sa barangay nga gamiton ang katunga sa ilang pondo alang sa scholarship sa mga kabataan.
Ubos sa maong programa, makadawat og ₱200,000 ang matag barangay diin ang ₱100,000 niini i-gahin alang sa lima ka mga Presidential Scholars.
Gisugyot sa Presidente nga hatagan og prayoridad kadtong mga estudyante nga hapit na mogradwar apan naglisod sa paghuman tungod sa kawad-on.
Gipasabot ni Marcos nga ang maayong edukasyon usa ka gasa nga dili gyud mapahawa o makuha gikan sa usa ka tawo.
Pinaagi niini, gilauman nga mas daghang kabataan ang makahuman sa pagtungha aron makatabang sa ilang pamilya ug sa tibuok nasod. (jane abulag)
