Nagtapok sa Fifth Avenue sa New York City ang liboan ka mga tigpaluyo sa Israel alang sa tinuig nga Israel Day Parade.
Kini ang giila nga labing dako nga selebrasyon sa kultura ug madasigong espiritu sa maong nasod sa tibuok kalibotan. Mitambong sa maong dako nga okasyon si New York Governor Kathy Hochul.
Sa iyang diskurso, giingon niya nga ang estado magpabilin nga dapit sa paglaom, diin ang tanan gawasnon nga makasimba ug makapuyo nga walay bisan unsang hulga o pagpang-away.
Samtang malipayong nagmartsa ang kadaghanan uban sa pag-ingon nga nagsugod pa lang sila sa maong kasaulogan, nakakuha usab og atensyon ang wala pag-apil ni Mayor Zohran Mamdani sa parada karong tuiga sumala sa mga lokal nga balita.
Kining tinuig nga tradisyon nagpakita sa hugot nga panaghiusa sa mga Judio ug mga Amerikanong tigpaluyo taliwala sa nagkadaiyang mga hagit ug isyu sa katilingban. (riza budlao)
