Gibasol ni kanhi City Mayor Atty Tennix Jaraula ang dili maayong dagan sa politika hinungdan nga wala makasulod sa isip non-permanent member sa United Nations Security Council ang Pilipinas.
Si Jaraula miingon nga plastar na unta ang tanan aron mapili ang nasod, apan nausab ang pagtan-aw sa tibuok kalibotan tungod sa kagubot nga nahitabo sa maong balay-balauranan.
Gisaway ni Jaraula ang hitabo tungod kay nagpakita kini sa kakulang sa disiplina sa mga magbabalaod sa upper ug lower chamber nga maoy naghatag sa daut nga dungog sa Pilipinas sa internasyonal nga komunidad.
