CAGAYAN DE ORO CITY, Philippines – Gipanghimakak sa China nga nangayo’g asylum kang Chinese President Xi Jinping si kanhi Presidente Rodrigo Duterte.
Sa press conference, gitin-aw ni Guo Jiakun, tigpamaba sa Chinese foreign ministry, nga walay kamatuoran ang mga impormasyon nga nag-ingon nga nang-apply sa asylum ang kanhi presidente sa iyang pag-adto sa Hong Kong.
Mahinumduman nga nadakpan ang kanhi presidente niadtong Marso 11 sa iyang pag-abot sa Pilipinas gikan sa Hong Kong tungod sa mga kaso sa Crimes Againsts Humanity nga resulta sa iyang kampanya batok sa iligal nga droga.
Gisalikway usab sa kampo ni Duterte ang maong alegasyon, namugos nga ang iyang pag-adto sa Hong Kong mao ang pagkampanya sa siyam ka senatorial bets sa PDP Laban, alang sa mga OFWs nga mga botante sa maong lugar.
