Suportado sa Kabataan Partylist ang gipasakang kaso ni ACT Partylist Representative Tinio batok kang Davao City 1st District Congressman Paolo Duterte, tungod sa alegasyon sa anomalya sa flood control projects nga nagkantidad sa P4.44 bilyon sa Davao City.
Ang suporta naggikan sa ilang baruganan nga kinahanglan ang transparency ug accountability sa paggamit sa pondo sa katawhan.
Gikuwestiyon ni Canda kung nganong sa 160 nga flood control, anaa sa 140 ang palpak ug gihawiran sa kongresista sa unang distrito.
Mahinumduman nga ang sa Davao City gibaha niadtong Mayo 19, tungod sa kusog nga ulan gikan sa Intertropical Convergence Zone (ITCZ) ug easterlies.
Usa ka 21-anyos nga lalaki ang namatay sa Barangay Buhangin human ma-electrocute ug malumos, samtang kapin sa 358 ka pamilya ang napugos nga mubakwit.
